Կազմակերպության մասին
Էլեկտրատեխնիկայի վաճառքի առաջատարը Հայաստանում
 
20 տարվա գործունեություն, հինգ վաճառասրահ, 230 աշխատակից, ներկայացված 120 ապրանքանիշեր և 7200 ապրանքատեսակներ: ԶԻԳԶԱԳ-ը էլեկտրատեխնիկայի հայաստանյան շուկայի առաջատարն է սկսած 1995 թվականից:
Նախապայմաններ
ԽՍՀՄ–ի փլուզումից հետո հայկական տնտեսությունը մեծ ճգնաժամ էր ապրում։ Հարկավոր էր արագ և հստակ քայլեր ձեռնարկել այն ամրապնդելու և ցանկացած ոլորտի ճշգրիտ աշխատանքը երաշխավորելու համար։ Թերևս ամենակարևոր ոլորտներից մեկն էր կենցաղի հարմարավետության և արդյունավետության ապահովումը։ Երբ ամբողջ աշխարհը մուտք էր գործել տեխնիկայի զարգացման նոր փուլ՝ արդեն իսկ գրավելով բազմաթիվ բարձունքներ և ստեղծելով կենցաղի դյուրինության բարձր չափանիշներ, հայաստանյան շուկան դեռևս զգալի աղքատ էր։ Այն ուներ որակյալ արտասահմանյան տեխնիկական սարքավորումների ներմուծման կարիք։ ԶԻԳԶԱԳ ընկերությունը հպարտ է փաստել իր ներդրումն այս կարևոր հարցում։
ներկայացվող ապրանքանիշեր
1946թ. հիմնադրումից ի վեր՝ Sony ընկերությունը ներկայանում է աուդիո և վիդեոտեխնիկայի, կապի և տեղեկատվական տեխնոլոգիաների առաջատարը մասնագիտական և սպառողական շուկաներում։ Հեռուստատեսային, երաժշտական և համակարգչային խաղերի ոլորտներում արտադրությունը ապահովում են Sony-ի աշխարհում ամենաընդգրկուն ժամանցային ընկերություն լինելու համբավը։ Ավելի քան 10 տարի ԶԻԳԶԱԳ ընկերությունը հանդիսանում է Sony-ի պաշտոնական դիստրիբյուտորը և ներկայացնում է լիազորված սերվիս կենտրոնը Հայաստանում ։
Energy Sistem Soyntec Group իսպանական ընկերությունը եվրոպական շուկայում թվային աուդիո և վիդեո սարքավորումների արտադրության առաջատարն է: Ներկայացված լինելով աշխարհի ավելի քան 67 երկրներում` Energy Sistem-ը արտադրում է պլանշետներ, mp5/mp4/mp3, էլեկտրոնային գրքեր, շարժական հեռուստացույցներ, ինչպես նաև համակարգչային սարքավորումների տեսականի: Արտադրողներըը տարեկան ավելի քան 50 ապրանքատեսակ են լույս ընծայում, ինչը թույլ է տալիս նրանց լինել շարժական աուդիո-վիդեո տեխնիկայի ոլորտի առաջատար, ինչպես նաև հայտնվել լավագույն ՏՏ ամսագրերի էջերին` որպես հաջողության և նորարարական մտքի օրինակ:
Prestigio-ն կայացած և դինամիկ զարգացող բրենդ է, որը հայտնի է Եվրոպայի, Միջին Արևելքի և Աֆրիկայի 85 երկրներում: Արդեն տասը տարուց ավել Prestigio-ն մշակում է բարձրակարգ որակի, ոճի և մատչելիության նորարարական IT և էլեկտրոնային ապրանքատեսակներ: Սկսած 2011թ.-ից Prestigio-ն առաջատար ապրանքանիշերից է Ռուսաստանի, Կենտրոնական և Արևելյան Եվրոպայի, ԱՊՀ երկներում GPS նավիգացիայի մասով, ինչպես նաև տարածաշրջանում ներկայացված Tablet արտադրող ապրանքանիշերի շարքում նվաճել է 3-րդ տեղը:
Miele ընկերությունը բարձրակարգ կենցաղային տեխնիկա, ստանդարտ սարքավորումներ և ինտեգրացված խոհանոցներ արտադրող է։ Ընկերությունը հիմնադրվել է 1899թ. Գերմանիայում։ Այժմ Miele–ն արտադրում է կենցաղային տեխնիկա, այդ թվում ՝ լվացքատան սարքավորումներ, փոշեկուլներ, սպասք լվացող մեքենաներ, արդուկներ, վառարաններ, օդաքարշ պահարաններ, սալօջախներ, սրճեփներ և այլն։ 2007թ. ԶԻԳԶԱԳ ընկերությունը բացեց Հայաստանում Miele–ի Դիզայն Ստուդիան, որտեղ ներկայացված են կենցաղային տեխնիկայի և խոհանոցային կահույքի լավագույն օրինակները։
1886թ. Ռոբերթ Բոշը հիմնադրեց «Ճշգրիտ մեխանիկայի և էլեկտրական ճարտարագիտության արհեստանոցը»։ Դա այսօրվա աշխարահռչակ սպառողական սարքավորումներ, ուժային և կենցաղային տեխնիկա, անվտանգության համակարգեր արտադրող ընկերության ծնունդն էր։ Ի սկզբանե ընկերությունը գործում էր նորարարական ուղղվածության և բարձր հասարակական պատասխանատվության սկզբունքներից ելնելով։ ԶԻԳԶԱԳ–ը Bosch ընկերության պաշտանական ներկայացուցիչն է Հայաստանում։
Hotpoint ընկերությունը հիմնվել է Մեծ Բրիտանիայում 1911թ.։ Այն հայտնի է շնորհիվ սառնարանների և լվացքի մեքենաների արտադրության։ Hotpoint–ն անգլիական ապրանքանիշ է, որն արտադրում է կենցաղային տեխնիկա։ Վերջերս իտալական մրցակից Indesit–ը ձեռք է բերել այն, և միաձուլման հետևանքում՝ ստեղծվել է Hotpoint-Ariston ընկերությունը։
Beurer ընկերությունը հիմնադրվել է Գերմանիայի Ուլմ քաղաքում: Շնորհիվ շարունակական ներդրումների` Beurer ընկերությունն այսօր առաջարկում է արտադրական վերջին տեխնոլոգիաներն ու մշտապես պահպանվող որակի բարձր չափանիշներ: 93 տարիների ընթացքում Beurer ընկերությունը հանդիսանում է առողջության և անձնական խնամքի շուկայի առաջատարը: Այսօր ընկերության տեսականին ներառում է շուրջ 120 ապրանքատեսակ՝ ներառյալ արյան ճնշումը չափող սարքեր, արյան շաքարի պարունակությունը չափող սարքեր, ջերմաչափեր, էլեկտրական ծածկոցներ, հատակի և խոհանոցային կշեռքներ, ինչպես նաև զարկերակային ժամացույցներ և մի շարք այլ ապրանքներ: ԶԻԳԶԱԳ ընկերությունը հանդիսանում է Beurer-ի էքսկլյուզիվ և պաշտոնական գործընկերը Հայաստանում:
Ardes SpA ընկերությունը հիմնադրվել է Միլանում 1950թ. և ավելի քան 50 տարի է արտադրում է փոքր էլեկտրական սարքեր: 1992թ.-ին Ardes ընկերությունը միանում է աշխարհի ավելի քան 80 երկրներ արտահանվող էլեկտրական սարքավորումների իտալական խոշորագույն արտադրողներից մեկին՝ Scame Group ընկերությանը: Վերահսկելով որակը արտադրության յուրաքանչյուր մակարդակում՝ Ardes-ը միշտ փնտրում է նորարարական տեխնիկական լուծումներ, նոր գաղափարներ և դիզայն՝ գոհացնելու յուրաքանչյուր հաճախորդի պահանջները: Ներկայումս Ardes-ը առաջարկում է կենցաղային և կլիմատիկ տեխնիկայի, ինչպես նաեւ անհատական խնամքի միջոցների լայն տեսականի: ԶԻԳԶԱԳ ընկերությունը հանդիսանում է Ardes-ի էքսկլյուզիվ և պաշտոնական գործընկերը Հայաստանում:
Siemens կազմակերպությունը հիմնվել է 1847թ. որպես հեռագրասարք արտադրող ընկերություն։ Ժամանակի ընթացքում այն ընդլայնել է իր գործունեության շրջանակները՝ ընգրկելով էներգետիկայի, առողջապահության և կենցաղային տեխնիկայի ոլորտները։ Siemens–ն առաջարկում է էլեկտրոնային տեխնիկայի և ծառայությունների լայն ընտրանի։ Այսօր ընկերությունը ներկայացված է 190 շրջաններում՝ զբաղեցնելով առաջատար դիրքեր համաշխարհային տեխնոլոգիաների շուկայում։
1991թ.-ից SVEN ապրանքանիշի ներքո թողարկվում է աշխատանքի և հանգստի համար նախատեսված տեխնիկայի լայն տեսականի, մասնավորապես` համակարգչային աքսեսուարները, աուդիո պարագաները, խաղային սարքերը և այլ աքսեսուարներ: SVEN ընկերության գլխավոր գրասենյակը գտնվում է Ֆինլանդիայում: Ապրանքանիշը ներկայացված է աշխարհի ավելի քան 50 երկրներում և ստացել է 100-ից ավելի պարգևներ առաջատար էքսպերտների կողմից: Նման բարձր արդյունքների հասնել SVEN-ին թույլ է տալիս սեփական հետազոտական բազայի և ինժեներական կենտրոնի գործունեությունը, որի աշխատակիցները մշտապես նորարարական նախագծեր են մշակում:
Funai Electric Co ընկերությունը հիմնադրվել է 1951թ. Ճապոնիայի Օսակա քաղաքում՝ որպես Funai Mishin Shokai: Հետագայում՝ 1961թ. օգոստոսին վերանվանվել է Funai Electric Co: Funai-ն զբաղվում է տեղեկատվական-հաղորդակցական սարքավորումների՝ ինտերնետ տերմինալների, համակարգչային/աուդիո-վիդեո սարքավորումների, հեռուստացույցների, վիդեոնվագարկիչների, DVD-նվագարկիչների և տնային էլեկտրոսարքավորումների նախագծմամբ, արտադրությամբ և տարածմամբ:
Indesit ընկերությունը հիմնադրվել է Միլանում 1975թ.։ Այսօր այն կենցաղային տեխնիկայի արտադրման առաջատարներից է և սպառողին է ներկայացնում լվացքի մեքենաներ և չորանոցներ, սպասք լվացող մեքենաներ, սառնարաններ, սառցարաններ, սալօջախներ, վառարաններ։ Ընկերությունն ունի 14 արտադրական տեղամասեր (Իտալիայում, Լեհաստանում, Մեծ Բրիտանիայում, Ռուսաստանում և Թուրքիայում)։ Վերջերս ընկերության ներկայացվող ապրանքանիշերի ցուցակում ընդգրկվեց նաև Hotpoint-Ariston կազմակերպությունը։
Ընկերության պատմությունը սկիզբ է առնում 1908թ.-ից, երբ Ջիովաննի Բարացիոնին գործարկում է անագի ու պղնձի մի փոքր տնտեսություն: Մի քանի տարիների ընթացքում այն սկսում է արտադրել 139 տարբեր ապրանքատեսակներ: Այսօր ֆունկցիոնալ դիզայնը Barazzoni ընկերության փիլիսոփայության կարևոր մասն է: Ընկերությունը համագործակցում է նաև հեղինակավոր իտալացի և միջազգային դիզայներների հետ: Արտադրվելով աշխարհի 80 երկրներում՝ Barazzoni ընկերությունը աշխարհում տարածում է «պատրաստված է Իտալիայում» բրենդի հանդեպ վստահությունը՝ շնորհիվ որակի, տեխնոլոգիաների և աշխատանքի հանդեպ ունեցած նվիրվածության: ԶԻԳԶԱԳ-ը Barazzoni-ի էքսկլյուզիվ և պաշտոնական գործընկերն է Հայաստանում:
Loewe AG–ն հանդիսանում է գերմանական Loewe Group–ի ծնող ընկերությունը։ Loewe Group–ը մշակում, արտադրում և վաճառում է էլեկտրոնային, էլեկտրական և մեխանիկական ապրանքների և համակարգերի լայն տեսականի՝ մասնագիտանալով սպառողական և կապի տեխնոլոգիաներում։ Ընկերությունը հիմնվել է Բեռլինում 1923թ.՝ եղբայրներ Զիգմունդ ր Դեյվիդ Լ. Լոուերի կողմից։ ԶԻԳԶԱԳ խանութների ցանցում ներկայացված է Loewe–ի ամբողջական տեսականին։
Panasonic միությունը հանդիսանում է միջազգային կորպորացիա, որը հիմնվել է Կադոմայում՝ Ճապոնիա։ Ընկերության հիմնական ուղղվածությունն է էլեկտրոնային սարքավորումների ձևագրումն ու արտադրությունը՝ տարբեր ապրանքանիշերի ներքո՝ ներառյալ Panasonic–ը և Technics–ը։ 1918թ. հիմնադրումից ի վեր ընկերությունը դարձել է Ճապոնիայի խոշորագույն էլեկտրոնային տեխնիկայի արտադրողը։ ԶԻԳԶԱԳ–ը հանդիսանում է Panasonic ընկերության պաշտոնական գործընկերը Հայաստանում։
Vogel's–ը հիմնվել է Հոլանդիայում 1973թ. որպես փոքր ընտանեկան բիզնես՝ ներկայացնելով աշխարհին բարձրախոսների առաջին տակդիրները։ Այսօր՝ 35 տարի անց, Vogel's–ը աուդիո և վիդեոտեխնիկայի, կահույքի տակդիրների նախագծման, տեղաբաշխման և արտադրության առաջատարն է։ Հիմնականում ընկերությունը մասնագիտանում է LCD և պլազմային հեռուստացույցների, աուդիո և վիդեո սարքավորումների, բարձրախոսների տակդիրներին հարմարավետ լուծումներ տալու հարցում։
Groupe SEB-ը իրենից ներկանացոնւմ է խոշոր ֆրանսիական կոնսորցիում, որն արտադրում է մանր կենցաղային տեխնիկա։ Ի սկզբանե Groupe SEB–ը ձգտել է ներկայացնել սպառողին նորարարական ապրանքներ, որոնք հեշտացնում են կյանքը և օր-օրի ապահովում բարեկեցիկ պայմաններ։ Ընկերությունը մանր կենցաղային տեխնիկայի ոլորտում չափանիշ է ներկայանում։ Groupe SEB–ի անվան հետ են կապված մի շարք հայտնի ապրանքանիշեր, այդ թվում՝ Krups, Moulinex, Rowenta և Tefal։
1970 թ. սկսած Elica–ն արդյունավետության, նորարարության և դիզայնի հոմանիշն է։ Ընկերությունն արտադրում է զանազան խոհանոցային օդաքարշ պահարաններ՝ միշտ նորաձև և յուրահատուկ։ Այսօր Elica–ն առաջարկում է շուկայի թերևս լավագույն ապրանքատեսակը։
Moulinex ընկերությունը ստեծվել է 1937թ.։ 2001թ. սեպտեմբերին այն հայտարարեց իր սնանկության մասին։ Այժմ ֆրանսիական ապրանքանիշը պատկանում է Groupe SEB–ին։ Moulinex–ը ստեղծում է արագ և հարմարավետ լուծումներ տան համար և առաջարկում կենցաղային տեխնիկայի լայն ընտրանի՝ խոհանոցային կոմբայններ, գոլորշեփներ, էլեկտրական դանակներ և այլն։ Արդեն ավելի քան 10 տարի է ԶԻԳԶԱԳ խանութների ցանցում մեծ հաջողությամբ վաճառվում է Moulinex ընկերության արտադրանքը։
Aran World–ը իտալական արտահանման առաջատարն է։ Այն հանդիսանում է խոհանոցային և օֆիսային կահույքի նախագծման, արտադրման և տարածման իտալական լավագույն ընկերություններից մեկը։ Զբաղեցնելով 55.000քմ տարածք և ունենալով 350-ից ավելի աշխատակիցներ՝ Aran Cucine ընկերությունը իտալական խոհանոցային կահույքի ամենավաճառվող ապրանքանիշն է աշխարհում։
1846թ. Krups ընկերությունը սկսեց ճշգրիտ արդյունաբերական կշեռքների վաճառք։ Այժմ Krups–ը գերմանական կենցաղային տեխնիկայի հայտնի արտադրող է, որը տարիներ շարունակ եղել է սրճեփների և էսպրեսսո մեքենաների արտադրության առաջատար։ Ընկերությունը նաև թողարկում է այլ կենցաղային տեխնիկա՝ մսաղացներ, խոհանոցային կոմբայններ, սրճաղացներ։ Krups–ը ներառված է Groupe SEB–ի կազմում, որի ապրանքները ներկայացված են ԶԻԳԶԱԳ վաճառասրահներում։
Գերմանացի Ռոբերթ Վեյնթրաուդը ստեղծեց «Weintraud & Co» ընկերությունը և 1909թ. գրանցեց Rowenta ապրանքանիշը։ Rowenta–ն ձգտում է արտադրել հզոր և նրբագեղ սարքավորումներ, որոնց մեջ համադրված են վստահության և բարեկեցության զգացումները։ Այսօր ընկերությունն արտադրում է սարքավորումներ, որոնք նախագծել են հանրաճանաչ դիզայներներ՝ ներդնելով ինտելեկտ և գեղեցկություն փոշեկուլների, արդուկների, շոգեգեներատորների, վառարանների, թեյնիկների, սրճեփների և թոստերների մեջ։
1954թ. Tefal ընկերությունն արտադրեց հակաայրիչ պաշտպանաշերտ ունեցող թավաներ և այլ խոհանոցային սպասք։ Այս նորամուծությունը կյանքի էր կոչված ցանկացած խոհարարի կյանքը թեթևացնելու նպատակով։ Ինչպես նաև սա նշանակում էր, որ ընկերությունն իրեն որպես ուղի է ընտրում նորարարությունների ճանապարհը։ Այսօր Tefal–ը հանդիսանում է առաջատար ո՛չ միայն խոհանոցային սպասքի, այլ նաև մանր կենցաղային տեխնիկայի արտադրության ոլորտում։ Արտադրվում են գոլորշեփներ, թոստերներ, ճարպաջեռոցներ, արդուկներ, շուտեփուկներ։ Ապրանքանիշը վաճառվում է աշխարհի 120 երկրներում՝ ներառյալ Հայաստանը, որտեղ Tefal–ը ներկայացվում է ԶԻԳԶԱԳ ընկերության կողմից։
Liebherr Group–ը գերմանական արտադրող ընկերություն է, որը հիմնվել է 1949թ. Հանս Լիբերի կողմից։ Ընկերության կենցաղային տեխնիկայի գիծն առանձնանում է իր փայլուն գաղափարներով, նորաձև դիզայնով և սպառողի համար հարմարավետ լուծումներով։ Ընկերությունն արտադրում է սեղանի, ազատ կանգնող և համակցված սառնառաններ և սառցարաններ, սառցարանային պահարաններ, սննդի կամ ըմպելիքների համար նախատեսված սառնարաններ, գինու սառեցման համար նախատեսված պահարաններ՝ համալրված ջերմակարգավորման համակարգով, ինչպես նաև կոմերցիոն օգտագործման համար նախատեսված սառնարաններ և սառցարաններ։
Philips ընկերությունը հիմնադրվել է 1891թ. Հոլանդիայում որպես ընտանեկան բիզնես՝ Ժերար Ֆիլիպսի և նրա հոր կողմից։ Ընկերությունը ստեղծվել է էլեկտրաէներգիայի կոմերցիալիզացիայից հետո՝ լամպերի աճող պահանջարկը բավարարելու նպատակով։ Առողջապահության, ապրելաոճի և լուսավորման հարցերում առաջատար հանդիսանալով՝ Philips ընկերությունը միավորում է տեխնոլոգիաներն ու դիզայնը՝ սպառողի համար հարմարավետ լուծումներ գտնելու նպատակով: Այս ամենը հիմնված է սպառողի ֆունդամենտալ կարիքների ուսումնասիրությունների վրա։ Ընկերության սկզբունքն է «իմաստավորված և պարզ»։
Samsung Electronics–ը հիմնադրվել է 1969թ. Հարավային Կորեայում։ Ի սկզբանե ընկերությունը մասնագիտանում էր էլեկտրոնային սարքավորումներ արտադրելով, ինչպիսիք էին հեռուստացույցներ, հաշվիչներ, սառնարաններ, օդորակիչներ և լվացքի մեքենաներ։ 1988թ. ընկերությունը միավորվեց Samsung Semiconductor & Communications կազմակերպության հետ։ Այսօր ընկերության գործունեությունը ներառում է նաև թվային տեխնոլոգիաների ոլորտը. արտադրվում են նոութբուքներ և լազերային տպիչներ, վիդեո համակարգեր, հեռուստացույցներ, համակարգչային մոնիտորներ, ինչպես նաև ժամանցային սարքեր՝ DVD և MP3–նվագարկիչներ, թվային տեսախցիկներ։
1923թ. Մարթին Հանկեն հիմնեց լուսանկարչական սարքավորումների մեծածախ վաճառքների Hamaphot առևտրասրահը՝ մասնագիտանալով լաբորատոր սաքրքավորման և լուսանկարչական պարագաների արտադրության մեջ։ Արտադրելով ավելի քան 18.000 պարագաներ՝ Hama–ն հանդիսանում է ֆոտո, վիդեո և աուդիո, ինչպես նաև համակարգչային և հեռահաղորդակցման աքսեսուարներ վաճառող առաջատար ընկերություններից մեկը։
Սկսած 1953թ. Honda–ն արտադրել է ավելի քան 40 միլիոն ուժային տեխնիկայի սարքավորումներ։ Ընկերությունը շարունակում է առաջատար հանդիսանալ էկոլոգիապես մաքուր, 4-տակտանոց, տնտեսող շարժիչների արտադրության ոլորտում, որոնք ապահովում արտանետումների ցածր մակարդակ և նախատեսված են մոտորների, գեներատորների, ջրային պոմպերի, խոտ հնձիչների և այլ էներգետիկ սարքավորումների համար։ Բոլոր ապրանքների մեջ ներդրված են յուրահատուկ տեխնոլոգիաներ և օրիգինալ գաղափարներ։
Ավելի քան 35 տարի առաջ Ֆաբրիանո շրջանում հիմնված Turbo Air ընկերությունը հայտնի է իր որակյալ կենցաղային տեխնիկայի շնորհիվ։ Ապրանքանիշը մտնում է Elica Group–ի կազմի մեջ, որը հանդիսանում է աշխարհի առաջատարը խոհանոցային օդաքարշ պահարանների արտադրության ոլորտում։ Հարմարավետ կլասիկ դիզայն, որն ապահովում է ֆունկցիոնալ կողմը, ինտեգրացված լուսասարքեր և օդափոխման համակարգ՝ կառավարվող հարմար կոճակների կամ հեռակառավարման վահանակի միջոցով։ Turbo Air–ի արտադրանքը ներկայացված է ԶԻԳԶԱԳ վաճառասրահներում։
Հետադարձ կապ

Հետադարձ կապ

Դուք կարող եք օգնել մեզ բարելավել մատուցվող ծառայությունների որակը՝ հայտնելով մեզ Ձեր կարծիքը։ Ցանկացած մեկնաբանություն կամ առաջարկ կարևոր է մեզ համար։